周星弛经典粤语剧本之(少林足球).doc
《周星弛经典粤语剧本之(少林足球).doc》由会员分享,可在线阅读,更多相关《周星弛经典粤语剧本之(少林足球).doc(4页珍藏版)》请在冰点文库上搜索。
少林足球(休息室)明锋:
你畀张支票我算咩意思呀?
要我踢假波啊?
!
强雄:
唔系,唔系,唔系,我系中间人,我只系受人所托啫。
明锋:
你想玩我吖定系想害我呀?
你唔好以为我冧咗,你就可以爬上去呀!
你谂都唔好谂呀!
你同我睇清楚呀,“黄金右脚”系我唔系你呀!
!
你想扒我头?
发梦呀!
强雄:
我真系唔敢谂架,我最近手头紧,想抽啲佣金,你千祈唔好话畀人知呀!
明锋:
你呢个败类!
连狗都不如呀!
强雄:
对唔住呀,锋哥,我走先嘞!
明锋:
喂!
(明锋抵受唔住支票嘅诱惑,攞返张支票)观众:
黄金右脚!
黄金右脚!
(明锋射失点球,畀人暗算打跛只脚……)(二十年后……)女记者:
强雄哥呀,你叱咤球坛二十年,自从黄金右脚射失咗十二码受咗伤之后,你就一直未逢敌手,噉其实……强雄:
我哋唔好再提啲唔开心嘅嘢。
男记者:
强雄哥呀,你队魔鬼队连续五届超级杯都未输过,有咩秘密呀?
强雄:
秘密?
边个系领队咪即系秘密咯。
男记者:
噉今年嘅超级杯应该志在必得啦!
强雄:
你第一次做记者架?
呢个问题重问?
!
(强雄入咗大厅)强雄:
黄金右脚。
明锋:
哎,雄哥,雄哥,早晨!
早晨!
强雄:
早晨!
明锋:
哎呀,雄哥,你只鞋污糟咗呀,我帮你擦干净佢呀。
强雄:
哎,唔使唔使唔使,我自己嚟(只脚踩喺明锋头上)助手:
雄哥呀,我去攞架车过嚟。
明锋:
雄哥呀,你咪话过,畀队波我带嘅?
我得架!
我准备好架喇!
我一定将佢哋训练到好似魔鬼队咁劲嘅!
强雄:
你个样重可以带波咩?
!
收山罢啦。
明锋:
唔系,雄哥,你咪话……强雄:
我话啫!
人系要面对现实架嘛。
你睇你,而家只脚跛咗。
(指住明锋个肚上面‘黄金右脚’四个字)强雄:
你估你重可以靠呢四个字呃饭食呀?
!
明锋:
雄哥,我跟咗你咁多年,你今日同我讲啲噉嘅嘢?
强雄:
我今日不likey。
人系会变架嘛。
你个样旧时好靓仔架!
你睇吓你,而家变成个衰样!
哎,返乡下啦。
我都养咗你廿年嘞,仁至义尽,饭盒钱唔少架!
明锋:
强雄!
你唔好太过分!
廿年前你畀张空头支票我,叫我打假波,sin3到我摊摊腰!
如果唔系我今时今日会搞成噉?
!
强雄:
做咩呀?
发烂鲊呀?
大声啲吖!
喂,听唔听到呀你哋?
!
出便有记者呀,使唔使我叫佢入嚟呀?
你估我养你廿年呀?
我想揞住你把衰口咋!
你估你而家乞儿噉样,人哋会唔会信呢?
!
明锋:
你!
强雄:
唔好嬲,唔好嬲。
如果要怪嘅,就怪你自己----贪心啫!
返乡下啦!
讲多件事畀你听呀,敲跛你只脚嗰班人,都系我安排嘅!
明锋:
(苦笑)嘿嘿……哈哈……哈哈……哈哈……(街头)明锋(饮啤酒):
咩事咁大不了呀?
星驰:
波,唔系噉射嘅。
明锋:
讲咩话?
星驰:
我话,波----“笨”唔系噉射嘅。
明锋:
应该系点射架?
星驰:
一句说话----腰马合一。
明锋:
何为腰马合一?
星驰:
腰马合一呢,喺我心目中浩气长存嘅已故伟大武术家李小龙先生已经解释过架喇。
但系如果你再想知多啲嘅,唔啱跟我学两堂功夫吖。
明锋:
学咩功夫吖?
睇你个款,咪喺处扫地嘅?
!
星驰:
扫地只系我表面嘅工作,我真“正”身分系一位研究僧!
明锋:
研究生?
!
星驰:
从事如何有效地发扬少林武功嘅研究工作。
呢张系我嘅卡片。
明锋:
少林正宗大力金刚腿?
星驰:
系呀,好大力架。
(踢腿)明锋:
打打杀杀你揾过第二个啦。
我受过高等教育嘅。
星驰:
错喇。
你睇嗰个女仔。
(手指前面行紧嘅一个靓女)明锋:
靓女又点啫?
我系读书人呀。
星驰:
唔系,唔系,唔系,你睇你睇你睇你睇你睇…………噢………(李卉踩中蕉皮sin3低)两人:
YEAH!
星驰:
如果佢识得少林派嘅轻功就唔使搞成噉啦。
嗱,你睇你睇----(明锋表演少林轻功)星驰:
所以话,武功的确系——“神”!
小姐,有冇兴趣学功夫呀?
李卉:
你黐线架!
星驰:
你睇吓嗰便个师奶----如果佢识得少林派嘅铁砂掌嘅话,泊车就唔使咁愁啦。
所以话,武功的确系——“劲”!
靓女呀,有冇兴趣学——太太:
得喇得喇,过主啦你!
(趸低一毫子,星驰执返收埋喺裤袋)明锋:
喂,呢毫子我都有份架。
星驰:
咪咁扫兴啦。
你又睇吓嗰便----工头:
你剪乜嘢你?
剪樖树剪成年,唔使开工嘞,走呀!
走呀!
工人:
对唔住!
对唔住!
工头:
走啦!
星驰:
如果嗰个工人识得少林派嘅独孤九剑嘅话,使咁哩唏咩?
!
明锋:
独孤九剑好似系华山派!
星驰:
天下武功出少林呀,听过未呀?
!
功夫其实绝对适合男女老幼嘅,打打杀杀只系大家对佢嘅误解。
功夫更加系一种艺术,一种不屈嘅精神。
所以一直以来我都揾紧方法去将武功重新包装起上嚟,令到你哋啲星斗市民,对于武功能够有深一层嘅了解。
明锋:
够喇够喇。
星驰:
我未讲完。
明锋:
差唔多喇,差唔多喇,我重有几个客要见。
今日系噉先喇。
星驰:
喂!
你把握“鸡”(机)会好,跛嘅都可以练功夫架!
明锋:
跛咩呀跛?
!
跛你老母呀?
你个傻佬有咩资格话我跛呀?
星驰:
对唔住!
明锋:
系呀,我系跛呀!
你吹咩?
你有冇得跛呀?
!
跛!
跛你老母呀!
(星驰一脚踢开明锋嘅易拉罐)明锋:
咩呀?
!
咩呀?
!
吓鬼呀?
!
某白领:
(问星驰)喂!
呢堆垃圾收唔收架?
唔收我畀第二个架喇?
!
星驰:
嚟嚟嚟!
白领:
爽手吖嘛!
明锋:
咩呀?
……(运垃圾途中)鞋店经理:
走呀!
走啦!
乜水:
喂!
喂!
喂!
唔该!
唔该!
攞个雪柜攞上去。
星驰:
好啊。
嚟吖。
(一脚将冰箱踢上车)乜水:
哗,你只脚咁犀利架你!
(垃圾站)垃圾站老板:
两毫呀。
星驰:
啊?
!
两毫?
里便又有杯又有碟,畀多一毫子吖,唔该。
垃圾站老板:
冇呀,冇少架喇。
走架喇。
(叫工人)阿华,搬过去啲嘢。
(甜在心馒头铺)(阿梅用太极功夫整馒头)某男(普通话):
阿梅,给我来十个馒头!
(喺楼上将钢镬掟落嚟,阿梅用太极功夫接住镬)星驰:
(唱)哎——太极功夫整馒头哩,惊天动地。
馒头睇落又香又甜,好鬼想食。
但见阿妹双臂好力,令到阿哥五体投地!
阿梅:
你……你做咩呀你?
!
星驰:
除咗唱歌我谂唔到其它方法去表达我内心嘅兴奋同对你嘅仰慕。
哗!
好靓呀!
阿梅(普通话):
我不好看,你不要笑我。
星驰:
你睇啲馒头靓到呀!
嗯——哗!
好食!
(吞咗一个馒头)喂,你正话招太极拳嘅移形换影……阿梅(普通话):
是以柔克刚,四两拨千金。
星驰:
好,唔怪得呢啲馒头刚中有柔,硬中又有软。
(又吞咗一个馒头)阿梅(普通话):
馒头五毛钱一个,两个一块。
星驰:
咁贵嘅咩?
!
阿梅:
系呀。
星驰:
所以话真系一分钱一分货。
喂,我啱啱得五毫子喺身,过两日畀埋你得唔得?
阿梅:
唔得。
星驰:
好!
学武之人讲句说话都洒脱啲架。
查实我都系武林中人,畀吓面好唔好?
阿梅:
唔好。
好!
星驰:
我呢双名贵波鞋,原价两文嘅,见系你,就个半银钱,攞多你一个馒头算啦。
阿梅:
我报警喇。
星驰:
好!
(摆低馒头)喂!
法律不外乎人情啫。
哎呀,弊喇,靓女,我越睇你越靓添。
(唱)哎!
阿梅(普通话):
你别唱了。
(泼水)哎呀,你别再唱了。
你把钱给我,赶快走吧。
你要唱歌的话,到那边山上去唱,神经病才在这里唱歌呢。
食客:
我唔同意呢位小姐嘅讲法,喺呢度唱歌,唔一定都系神经病嘅。
我叫做酱爆,我从来没有放弃成为一个伟大嘅作曲家嘅理想。
刚才听到呢位阿生唱嘅歌,热情奔放,创意无限。
星驰:
多谢!
食客:
唔好客气。
燃点起我酱爆心中嘅一团火。
我酱爆感觉到,喺呢个momen要爆嘞。
(唱)……猪肉佬:
我猪肉佬何尝唔想成为一个伟大嘅舞蹈家?
(起舞)星驰:
好!
(众人起舞)(阿梅跟住佢哋跳)老板娘(恶死能登):
(普通话)你是不是吃饱了撑的?
站直了!
手放下!
脖子伸直!
你哋冚棒唥都黐线架!
做咩喺度跳舞呀?
(食客继续食嘢)老板娘:
(普通话)你个死丫头一点用也没有!
我只不过是去做一下面膜。
你把这里惹得乱七八糟的!
真是贱骨头!
你个臭要饭的,你过来干什么?
星驰(普通话):
你骂人不要骂得那么凶。
我是来买馒头的。
(攞咗个馒头)楼上某男(普通话):
喂!
老板娘,馒头好了没有啊?
老板娘(普通话):
好了好了。
等一下。
那个臭要饭的有没有给钱啊?
(星驰走夹唔唞)阿梅(普通话):
给了。
老板娘(拎起对鞋):
这脏了吧唧什么东西啊?
还不把它给我扔了!
(某舞厅内)星驰:
大师兄!
大师兄!
大师兄!
大师兄!
大师兄:
得嘞!
得嘞!
得嘞!
得嘞!
你哋做嘢啦,抹吓嘢啦唔该?
!
星驰:
大师兄,你见唔舒服咩?
大师兄:
擒晚饮大咗,个头好怫呀,又想点呀?
星驰:
我想话你听,我醒喇。
大师兄:
醒嘞咩?
星驰:
醒嘞。
我终于领悟到,如果要将少林功夫发扬去全世界,系要讲包装!
大师兄:
咩包装呀?
星驰:
唱……歌。
今日我嘅遭遇讲出嚟你都唔信嘅。
我经过间馒头店。
大师兄:
唔好讲嘞!
星驰:
唔系哩,少林功夫加唱歌跳舞,你话有冇得谂?
大师兄:
冇得谂!
星驰:
你唔做过又点知啫?
大师兄:
唔好做!
我劝过你脚踏实地架啦。
呢度有份洗厕所嘅你咪做住先啰,唔好发梦喇。
星驰:
做人如果冇梦想,同啲咸鱼有咩分别呀?
!
大师兄:
你鞋都冇一对,咪咸鱼一条啰?
!
学咩人讲理想吖?
星驰:
噉又唔系呀,我心中嗰一团火系唔——会熄架!
大师兄:
吹咪熄啰?
!
唔熄?
星驰:
熄咗可以挞返着啫。
大师兄:
够喇!
我有我嘅生活,你有你嘅挞火,总之你唔好烦住我啦!
我重要揾食架,大佬!
星驰:
哦,噉你当年苦练嘅铁头功,你忍心眼白白睇住佢荒废晒咯?
大师兄:
错,呢十几年嚟我嘅铁头功从来未有一日荒废过!
老板:
阿飞!
大师兄:
老板。
老板(攞啤酒樽扑大师兄个头):
顶你个肺,听晚跳舞啲女诈晒型走晒喇,你重喺度懒懒闲?
!
大师兄:
唔系哩,我谂过重绝嘅桥。
老板:
咩桥呀?
大师兄:
就系少林功夫加唱歌跳舞。
老板:
咩少林功夫呀?
(大师兄指向星驰)(星驰练踢腿)老板:
边度得呀?
一个咁寡?
!
大师兄:
一个够杀架嘞。
老板:
不得!
加埋你呀。
大师兄:
我?
!
老板(攞啤酒樽扑大师兄个头):
顶你个肺,你铁头功嚟架嘛。
听晚你唔好衰畀我睇呀,唔系我杀咗你呀!
大师兄:
知道!
星驰:
大师兄,多谢你!
(大师兄同五师弟唱歌)大师兄:
少林功夫醒!
五师弟:
好好嘢!
大师兄:
少林功夫劲!
五师弟:
系好“劲”!
大师兄:
我系铁头功!
五师弟:
无敌铁头功!
大师兄:
你系金刚腿!
五师弟:
我系金刚腿!
(忍唔住笑)大师兄:
认真啲吖!
五师弟:
少林功夫好嘢!
大师兄:
真好嘢!
五师弟(又忍唔住笑):
少林功夫好嘢!
大师兄:
真好嘢!
五师弟:
少林功夫好“劲”!
大师兄:
冇得顶呀!
五师弟:
我系金刚腿!
大师兄:
金刚腿!
五师弟:
佢系铁头功!
大师兄:
哗!
哗……哗你个头啊!
(然后两人走出嚟跳舞,突然五师弟畀酒樽掟中个头)甲:
你哋唱咩呀?
唱到喊惊噉。
乙:
啲歌词又鬼五马六!
丙:
我呀,一句都听唔明白!
乙:
咪系啰,啲歌词边个作架?
丙:
边个作架?
乙:
讲啊!
(大师兄用手指住星驰)五师弟:
其实,创作嘅嘢呢,就好主观嘅,不过你哋嘅批评呢,我一定会跟进嘅。
况且唱歌只不过系前戏咋噃,高潮就系少林嘅大力金刚腿同埋铁头功。
乙:
(用木棍打五师弟个头)铁头功吖嗱!
大师兄:
一早话你啲歌词唔得架啦。
五师弟:
我唔系铁头功,嗰个先系铁头功。
乙(继续用木棍打五师弟个头):
铁头功吖嗱!
五师弟:
都话……乙(继续打):
铁头功吖嗱!
丁(用凳打大师兄只脚):
金刚腿吖嗱!
大师兄:
哎呀!
嗰边金刚腿呀!
丁(继续打):
重金刚龋看蚰愀鼋鸶胀龋〈蛩滥恪?
丙(举起自己只脚):
我先系金刚腿,哈哈。
乙(重打紧):
铁头功吖嗱!
五师弟:
你识唔识听中文嘅啫,都话嗰……丙:
(继续打)铁头功吖嗱!
五师弟:
咁盲塞嘅你个人!
丙:
(重想打)铁……(畀五师弟捉住佢只手)咩啊?
想还拖呀?
五师弟(望到老板神情严肃):
多谢晒,多谢晒,欢乐嘅时光过得特别快,又系时候讲拜拜喇。
大家听返首歌先!
music!
乙:
仆街呀!
重扮嘢?
!
(又打)重顶得到。
多谢晒!
多谢晒!
(五师弟畀人打晕咗)(明锋喺墙角小便,睇见畀星驰踢飞嘅易拉罐……)(回放)明锋:
跛你老母呀!
(取出易拉罐)(墙冧,墙后星驰同一班人对峙……)(啲街坊纷纷避之)甲:
未打够呀?
重想再打?
星驰:
我应承过师父唔打交架。
乙:
大佬呀,呢条友呢都OK戆居架。